KABUL, AFGANISTAN, AFP.- E grupo Estado Islámiko a tuma responsabilidat pa un atake suisidio dilanti di un ministerio di eksterior na Kabul kual segun funshonarionan i testigunan a laga por lo ménos 5 morto i 40 herido.
Un miembro di EI a logra pasa dor di e bareranan di seguridat di Taliban “promé ku su faha a rementá meimei di empleadonan i bewakernan”, segun Amaq, e agensia di notisia di Estado Islámiko riba Telegram.
Un ekipo di AFP tabata den e ministerio pa un entrevista na momentu ku e eksploshon a tuma lugá.
E bosero di polis di Kabul, Khalid Zadran a bisa ku sinku sivil a muri i vários mas a keda heridá den e eksploshon.
E brènch lokal di EI konosí komo Islamic Sate-Khorasan (ISK) a indiká ku e eksploshon a mata por lo ménos 20 persona “inkluyendo vários empleado diplomátiko”
E organisashon no gubernamental Emergency NGO kual ta operá den un hospital di Kabul a informá ku a risibí mas ku 40 persona heridá.
E ministerio mes no a wòrdu destrosá. Algun bentana den esaki a kibra durante e eksploshon.
