WILLEMSTAD.- Djadumingu awor ta tuma lugá na Renaissance Hotèl e elekshon di Mister Teen Model 2018. E hóbennan partisipante a prepará nan mes intensamente durante dje simannan ku ta tras di lomba.
E organisashon a traha riba un show tur afó pa e públiko. Den showtime e públiko por disfrutá dje presentashon di Jill Frans i e hóbennan di ‘Extreme Fire’.
E siman aki ta e delaster siman pa por vota pa bo partisipante faborito di Mister Teen Model Curaçao 2018. Votashon por tuma lugá via e página di Instagram òf Facebook: mister model curacao.
Tin hopi ekspektativa pa e presentashon di e partisipantenan den trahenan resiklá kaminda e artistanan ku a diseñá e trahe no mag hasi uso di tela.
Karchi ta optenibel na Mensing’s Caminada.  E evento ta kuminsá pa 5’or di atardi i lo terminá pa 8’or di anochi.