WILLEMSTAD.- E partisipantenan pa ‘Mister World Wide Curaçao’ ta den ful preparashon pa asina kompetí pa e título máksimo dje sertámen.
Pa promé biaha un grupo di 10 hóben adulto ta haña e oportunidat pa partisipá den un sertámen maskulino.
E sertámen ta tuma lugá dia 10 di sèptèmber próksimo na International School na Emmastad. Pa e kompetensia e kabayeronan lo tin 4 presentashon, trahe uniformá, trahe di baño, trahe resiklá i finalmente na flus. Pa e último presentashon nan lo risibí un pregunta.
E organisashon ta pendiente pa ofresé un show tur afó i kada partisipante ta bon prepará.
Karchi pa e evento ta optenibel serka tur partisipante i na Mensing’s Caminada.
Pa mas informashon por bishita e página di facebook: Mister World Wide Curaçao òf por yama 675-4186.
Kòrsou kompletu ta keda invitá pa dia 10 di sèptèmber bin presensia e sertámen di Mister World Wide Curaçao 2017 na International School. E aktividat ta kuminsá pa 5’or di atardi i ta terminá pa 8’or di anochi.