WILLEMSTAD.- Djabièrnè otro siman, 1e febrüari lo tin Elekshon Rei & Reina Tiner 2019 pa nos Karnaval, un total di 4 duo sumamente bon prepará lo ta den kompetensia pa e título máksimo pa asina representá nos hóbennan durante di e Parada di Tiner 2019.
Nos ta bai laga boso sera konosí ku nan un tiki mas di aserka : Duo no. 1, Dievenier Hamen & Quiarah Paulina di Maria College VSBO. Duo no. 2, Chandel Beker & Naheli Olbino di Le Plaisir D’Life. Duo no. 3, Junny Pieter & Roxenia Rozal di The Cyber Club. iI Duo no. 4, Jordan Martis & Queensheny Lourens di Curaçao Carnival Royalty.
Karchinan ya ta optenibel serka tur partisipantenan na rason di 20 florin pa persona òf na Sede di Fundashon JAG na Schottegatweg West no. 123.
Buska bo karchi i bin apoyá e tinernan pa asina yuda engrandesé nos Karnaval, ku boso sosten nos Karnaval lo bira grandi!.