WILLEMSTAD.- 45 aña Seú di Kòrsou, 45 aña di determinashon, sakrifisio i esfuerso inkansabel di un pueblo. Esaki ta motibu sin mas pa ekspresá palabranan di elogio i atmirashon den direkshon di diferente lidernan di gruponan ku a karga e fiesta aki ku alma i kurason apesar di retonan difísil ku tabata presentá.
Elekshon Reina Seú Kòrsou su meta ta pa promové nos kultura bou di nos hóbennan pa di e manera aki nos purba na reskatá nos historia mas tantu ku ta posibel.
Organisando elekshon bou di hóbennan nos ta yuda desaroyá nan talento i tambe nan amor patriótiko pa nan pais i su kultura.
E lema di e aña aki lo ta “Si sero no bini serka yu di mama, yu di mama ta bai seru”
E aña aki e tema ku a skohe ta “Nos Serunan”.
7 partisipante:
Taynushka Jobs, Seru Djaka Kome, di Grupo Wapa pa nos Bai; 2. Raymary Mercelina, Seru di Katibu, di Sembra Alegria; 4. Denise Janga, Seru di Forti, di Chikitous den Seú; 5. Giomy Klepper, Seru Pretu di Grupo Danki pe fabor risibí; 6. Natisha Merce, Seru Kuater Kana di Grupo Oba; 7. Dishona St. Jago, Seru Seiroma di Amor pa nos kosecha i Mahim Janzan, Ser’i Neger di E Rais di Sablika.
E evento ta tuma lugá dia 6 di aprel 2019 na Boca Sami riba e plenchi pegá ku skol di buseo di Wederfoort. Elekshon ta kuminsá eksaktamente 8 or di anochi en punto. E parti musikal ta den man di Hóben Positivo i Aktivo (HPA) E grupo di baile ku ta kompaña e partisipante lo ta FAK.
Tin espasio pa parker riba e vèlt di Jong Colombia i lo tin bus ta hiba bu kaminda e elekshon ta tuma lugá. Karchi ta kosta 15 florin i ta optenibel serka partisipantenan i for di 5 or na porta.
Laga un komentario