WILLEMSTAD.- Djadumingu próksimo dia 14 di aprel ta dia ku 8 wela lo representá 8 bario di Kòrsou, partisipando na e di 13 edishon di Elekshon Wela Seú.
E 8 welanan dinámiko aki ta: 1. Sulema Hodge-Thielman di 69 aña, representando bario Koraal Specht pariba; 2. Noris Rosalia di 70 aña, representando bario Tera Kòrá; 3. Claudette Willem di 70 aña, representando bario Sta. Maria; 4. Mirlene James Corasol di 65 aña, representando bario Marie Pampoen; 5. Ilse Busby di 76 aña, representando bario Kust Batterij; 6. Filomena Blanken di 75 aña, representando bario Koraal Specht pabou; 7. Miriam Tuit-Fullinck di 60 aña, representando bario Montaña i 8. Gloria L. Acosta-Conradus 73 aña, representando bario Noord Sta. Rosa.
Elekshon Wela Seú 2019 lo tuma lugá na Hòfi Sterke Yerke na Montaña di 2 or di mèrdia pa 7 or anochi. Entrada pa hende grandi  ta fl. 15,- i mucha di 5 te ku 12 aña fl. 5,-.
Bin apoyá i sostené nos 8 welanan i pasa un atardi ameno!