NICARAGUA, AFP.- Presidente di Nicaragua Daniel Ortega kende ta buska un di kuater mandato konsekutivo den elekshon di ayera ku mayoria di su rivalnan detené, a sigurá ku e elekshonnan den su pais tabata un desafio di su opositornan kendenan a akus’é di promové terorismo i konspirá kontra di pas.

“E dia aki nos ta desafiando esnan ku a promové terorismo, finansiá e guera, esnan ku a sembra teror”, asina el a bisa na momentu ku el a depositá su voto.

Den un akto na kas di pueblo di Nicaragua, Ortega a sigurá ku su opositornan ta demoñonan kendenan no ke pas, trankilidat pa nos pais i ku ta opta pa violensia, deskualifikando e kalumnianan, e kampañanan pa Nicaragua por bolbe hañ’é envolví den konfrontashonnan violento i den guera.

Por lo ménos 328 nikaragwense a muri den represhon kontra di protestanan ku tabata pidi e renunsia di Ortega den 2018, asina e komishon interamerikano di derechinan humano a indiká, ku ademas ta konta ku 150 hende ainda detené i mas di 100 mil den eksilio.