Elena Balentina Litecia

Gradisimentu i Invitashon
Yunan di Kriansa, nietu(a)nan, rumannan,
subrino(a)nan i demas famia di defuntu:

Elena Balentina Litecia
Mihó konosí komo Nene.

Ta gradisí tur famia, amiga(u)nan, bisiñanan i konosínan ku a mustra atenshon na ora di malu, fayesimentu i entiero di nos kerido mama, wela, ruman i tanta stima. Un danki pa tur krans, pa tur yamadanan telefóniko i mensahenan via WhatsApp i
medionan sosial. Tambe riba Website di El Tributo. Boso sosten i presensia tabata un gran konsuelo pa nos. Alabes nos ke invitá boso na (1) un Santu Sakrifisio di misa pa deskanso di nos defuntu kual lo ta riba djasabra 1 di yuli 2023 pa 7:00 anochi na misa di Sta Maria.
Aseptá esaki komo un invitashon personal.
Despues di misa no ta risibí bishita na kas.