MERKA.- Pa e próksimo edishon di ‘MTV Movie & TV Awards’ lo bai otorgá e siguiente ‘Generation Award’ na un aktor òf aktris, pero e biaha aki ta e elenko di ‘The Fast and the Furious’ ta esnan ku ta bai risibí e premio.
Na 25 okashon a hasi entrega di un ‘Generation Award’, pero nunka promé a duna e premio na un elenko. Entre esnan ku den pasado a risibí e premio tin entre otro Will Smith, Reese Witherspoon i Jim Carrey.
Vin Diesel ta e aktor ku lo tuma e premio na nòmber dje elenko di ‘Fast and the Furious’.
Riba djadumingu, 7 di mei, e anochi di galardon lo tuma lugá den ‘Shrine Auditorium’ na Los Angeles.