WILLEMSTAD.- Eligia Martier SBO ayera mainta a organisá un homenahe na Miss Curaçao, Akisha Albert.
E tim di maneho di Eligia Martier a invitá Akisha Albert pa bishita e skol komo eks studiante pa dje forma ei dun’e un homenahe i hasi entrega tambe di un regalo.
Akisha a keda masha kontentu ku e aseptashon ku ela risibí i a gradisí pa e momentu.
Akisha tabata hopi emoshoná i kontentu ku e tei bek na su skol ku a wak e krese i desaroyá. Su konseho na e hóben studiantenan tabata pa nan no despresiá e momentu ku bo tin na e skol i a enfatisá ku bo por desaroyá bo mes hopi bon dor di kore stage.
Riba foto algun momentu durante dje bishita i homenahe di Akisha na Eliga Martier SBO.