QUITO, AP.- Gueria Ehérsito di Liberashon Nashonal a pidi gobièrnu di Colombia koherensia pa kontinuá diálogonan, kumpli ku kompromisonan atkerí i negoshá un tregua bilateral.
Den un komunikado di Komando Sentral di e organisashon, esaki a afirmá ku e delegashon pa e diálogo tin “un mandato pa kontinuá ku e proseso di kombersashon, establesé akuerdonan segun e agènda akordá òf kontinuá ku e kòmbersashonnan meimei di e konflikto, segun interes di gobièrnu”.
ELN ta dispuesto na negoshá e tregua “kual por resultá mas faborabel pa e pueblo i desaroyá vários punto di e agènda”.
El a agregá ku meskos ku otro prosesonan, e difikultat ku a presentá a w òrdu trata i solushoná ku e instrumentonan krea pa konstruí e solushon polítiko di e konflikto.
Ambos grupo ta negoshando un akuerdo di pas definitivo na Ecuador i durante kuater ròndunan a logra avansenan sustansial. Pero dia 9 di yanüari e delegashon di gobièrnu a wòrdu yamá pa Presidente Juan Manuel Santos desde Bogotá indikando ku tabatin vários atakenan ku a wòrdu hasí di parti di ELN.
E mandatario kolombiano a suspendé e di sinku siklo di negosiashon despues di e atakenan di e gueria aki, ounke e delegadonan di e grupo rebelde a permanesé den e kapital ekuatoriano.
