INGLATERA.- Elton John originalmente tabatin algun presentashon na Las Vegas, Merka pa e wikènt aki, pero e fechanan a keda kambiá algun luna atras ku e informashon ku tabatin ‘konflikto’ den e reservashon, awor lo bo komprondé kiko ta e konflikto.
Elton kende tin un relashon históriko ku e kas real britániko, sigur ku prínsipe Harry, prinsesa Diana i kas real.
Segun fuentenan Elton lo presentá, pero no ta sigur ainda si ta durante di e seremonia na misa òf si ta na e resepshon mas lat anochi ku Elton lo sinta tras dje piano.
Elton su relashon ku kas real britániko ta data di masha tempu, e tabata un bon amigu di Prinsesa Diana, huntu nan a traha pa rekoudá fondo pa investigashon i konsientisashon riba e malesa Aids.
E kantante tabata alabes un fuente di ayudo i ‘support’ pa prínsipe Harry i prínsipe William na momentu ku Diana a fayesé na 1997. Elton a presentá e famoso komposishon ‘Candle in the Wind’ komo un tributo na Diana durante di su funeral.
Ta ser kalkulá ku e selebrashon relashoná ku e matrimonio di prínsipe Harry i Meghan Markle lo kosta mas o ménos 45 mion dòler.