MERKA.- E kantante spañó Enrique Iglesias konsiderá e ‘Rei di Latin Billboard’ pa motibu di a gana 46 galardon durante di su karera, ta di opinion ku e rekonosementu aki ta prueba ku el a logra su meta komo artista.
‘Esaki ta nifiká ku mi músika a konektá ku e fanátikonan i ku di un manera òf otro huntu ku mi tim di produkshon nos a sa di eksplorá e tendensianan nobo pa re inventá nos mes’, asina e kantante a deklará durante di un entrevista.
Iglesias ta un dje promé artistanan ku a krea e fushon entre músika pop i ritmonan urbano popular aktualmente.
E sifra di 46 por oumentá ku tres mas si e logra mañan djaweps pa gana e galardonnan durante di Latin Billboard Awards ku ta tuma lugá na Mandalay Bay Events Center na Las Vegas, Nevada.
Iglesias ta finalista den tres kategoria: Gira di Aña, Kansion Latino Pop pa e tema ‘Subeme la radio’ ku kolaborashon di e kanta outor Kubano, Descemer Bueno i Artista Pop Solista.