WILLEMSTAD.- E aña aki lo ta e promé aña ku lo tin un ‘wildcard’ den Festival di Tumba. Manera ta konosí, lo saka 25 tumba ku lo klasifiká inmediatamente pa e final. Aserka lo saka 10 tumba, number 26 pa 35 segun órden di puntuashon. Nan lo partisipá na e ‘wildcard’.
Riba djaweps anochi kuminsando 7 or di anochi lo pasa e grabashon di nan presentashon preliminar riba pantaya i e mesun kuerpo di hurado lo bolbe husga nan presentashon.
Na final lo anunsiá e 6 tumbanan ku lo klasifiká, pues lo tin 31 tumba den e final di Festival di Tumba.
Giovanni Atalita, sekretario di AMAK a indiká ku entrada lo ta liber. Kontròl na porta lo ta mes kos i tur kos lo drai mesun kos. Lo usa e mesun órden di presentashon dje dianan preliminar.