MIAMI – E klásiko di Barcelona i Real Madrid ku lo tuma lugá dia 29 di yüli próksimo na Miami ta hañando atenshon inkreibel. Awe a bira konosí ku fanátikonan di e klásiko aki ta pagando 20 mil dòler pa un karchi di entrada. Esaki apesar ku ta mas bien un wega di eksibishon. E oportunidat pa wak e dos mihó futbolistanan di Mundu, Cristiano Ronaldo i Lionel Messi na Merka ta halando hopi interes. No ta deskartá ku mas serka e wega aki yega, mas e preis di entrada lo subi. Segun informashon ya e preis mas barata pa paga pa e entrada ta kore den mil dòler.