WILLEMSTAD.- Dia 31 yüli último, tabata tin e “Three Divas Concert” riba Freewinds, ku e mira pa regalá Kolegio KAP fondo pa kumpra algun instrumènt musikal pa nan lèsnan di músika.
Tabata un anochi eksitoso ku tur hende a keda pidi pa ripitishon. Pa por a hasi entrega di e fondo rekoudá mester a warda pa apertura di aña  eskolar nobo. Despues ku skol a kuminsá nos a keda konfrontá ku fayesimentu di nos ilustre siudadano, Prof. Dr. Alejando “Jandi” Paula, kende KAP ta karga su nòmber.
Despues di tur esaki porfin a haña un sita pa djaweps 23 di ougùstùs den ora di pouze di e alumnonan, pa por hasi entrega di e check ku oudiensia di tur e alumno i dosentenan. Nan a keda sumamente kontentu i a gradesí sr. Paco Nahr pa nan mil florin rekoudá. Despues di entrega di e check, sr. Manuel ku ta dosente di músika, a anunsiá mesora ku ta bai kuminsá ku e kor plùs e banda di Kolegio KAP. E hóbennan a reakshoná eufóriko.
Sr. Paco Nahr kier a gradisí kada hende i/òf instansia ku a kumpra un òf mas karchi, òf kontribuí di un òf otro manera pa hasi e anochi unu eksitoso.