WILLEMSTAD.-  Djasabra anochi a tuma lugá e entrega di premio pa loke ta trata temporada di Karnaval 2018 di Bándabou.
Fundashon Karnaval di Bándabou a gradisí tur persona ku di un òf otro forma a kontribuí pa por a hasi e temporada un eksitoso.
Un spòtlait a keda butá riba Sianitza Mogen i Dinaida Martina. Sianitza Mogen ta e persona ku a kordiná e elekshon di embahadornan di Karnaval di Bándabou i Dinaida a kordiná e Marcha di Skolnan.
E embahadornan di Karnaval di Bándabou 2018 a risibí na premionan durante dje anochi.
Riba foto nos por apresiá e momento ku a duna un plakat di mérito na Sianitza Mogen i Dinaida Martina i tambe momento ku saka potrèt ku e grupo di embahadornan ku a risibí nan premio.