WILLEMSTAD.- Den e korant di karnaval di ‘de Nieuwe Limburgse Kabrieten’ su edishon di 2019 tabatin komo novedat un página di pùzel. E amantenan di pùzel mester a buska 66 ilustrashon ku detaye den e avisonan ku a sali den e korant.
Mirando e kantidat di partisipantenan i reakshon di spònsernan tin tur indikashon ku e inisiativa tabata un ku a ser balorá tantu pa e partisipantenan komo e spònsernan.
Esaki ta motibu pa kua e organisashon a primintí ku den e próksimo edishon nan lo bolbe bin ku un rubriká di pùzel.
Bou di supervishon di Prins Anton I a saka for di tur e kontestanan korekto 11 ganadó. Djasabra, 13 di aprel na Grand Café Mahaai a repartí e premionan na e ganadónan. Premionan tabata pa kortesia di ABC-Autobusbedrijf, Centrum Supermarkt, Freeport Jewelers, Firgos, HRC-Household Repair, Jan Thiel Beach, Mensing, R&B – Cigarettes, Van den Tweel-Supermarkt, Vanddis, Vivian’s Nursery. Danki na nan aporte ku e kampaña a bira un éksito.