WILLEMSTAD.- Mañan djasabra tin gran apertura di e fiesta kultural mas grandi na Kòrsou ku ta nos Karnaval.
Pa esaki Fundashon J.A.G. huntu ku Action Team a organisá un magno evento riba Kleine Werf ku ta bai ser transformá den un Curaçao Carnival Village.
Karchinan ta bayendo super bon. Tres tremendo ‘gimmick’ tras di lomba i awor ta e fase di entrega di e T-shirtnan pa asina huntu ku bo karchi por drenta na e evento aki.
Ainda tin algun karchi na Beep Beep Rio Canario, Mensing’s Caminada i 24 uur uit de muur na rason di 55 florin.
Awe djabièrnè, 5 di yanüari for di 10’or di mainta te ku 8’or di anochi lo entregá T-shirt i mañan djasabra, 6 di yanüari te ku 2’or di mèrdia na Sede. Entrega di T-shirt ta tuma lugá na sede di Fundashon J.A.G. ku ta keda na Teatro Luna Blou (Zona Kultural). Si bo no a kumpra bo karchi ainda bo tin e oportunidat di pasa na Sede di Fundashon J.A.G. kumpra bo karchi i tuma bo T-shirt mesora. Pasa ku bo karchi i skohe bo koló di shirt pa e gran apertura di Karnaval 2018.