WILLEMSTAD.- Djabièrnè anochi Grupo di Karnaval “Entrenous Carnaval” a presentá nan trahe pa Karnaval 2019.
Grupo Entrenous ta trese selebrashon di e triunfo di Nelson Madiba Mandela den Karnaval 2019 di Kòrsou rekordando su ideologia i selebrando su triunfonan den bida.
E parti mas hóben di e grupo ta e “Tribu”, despues e parti di “Triunfo” ku ta e premio Nobel e sekshon blou i por último e sekshon di VIP.
Kompañamentu musikal pa Entrenous lo ta e banda musikal D-Edge 509 ku artistanan invitá Tommy Lee for di Aruba, Lady Lava i un sorpresa ku lo wòrdu divulgá despues.
Direktiva di Grupo Entrenous ta konsistí di : Presidente, Ruthson Cecilia: Vice presidente, Wladimir Domitilia: Tesorero, Jean Candelaria: Sekretaria, Sandra Martha: Komisarionan,  Gertruide Rafael, Rodney Aniceto i Milouska Tremus.
Pa mas informashon pa ku e grupo i pa por inskribí por tuma kontakto na telefòn: Ruthson tel. 694-5746; Rodney tel. 528-8000; Sandra tel. 695-8981; Miluska tel. 523-3149; Baby tel. 681-3458. Tambe por sigui nan riba Facebook “Entrenousdanki i wèpsait; www.entrenousdanki.com.