WILLEMSTAD.- En konekshon ku e gran konsierto Caribbean Queens ku lo tuma lugá riba djasabra dia 26 di ougùstùs, Renaissance Curaçao Resort a hasi un kampaña riba su página di facebook. E kampaña ‘like & hashtag’ a keda lansá dia 9 di ougùstùs último i ya kaba por anunsiá e promé ganador. Masha pabien na Réjeanne Margarita ku a gana 2 karchi VIP pa e anochi di Caribbean Queens.
Riba e anochi spesial aki, Renaissance Curaçao Resort ta presentá 3 dama den konsierto, kada un di nan ku nan propio agrupashon musikal. Mafalda Miguel, Shirma Rouse i Izaline Calister ta subi tarima pa presentá un anochi eksklusivo.
E Ocean Front Park na Renaissance Curaçao Resort lo keda kombertí den un anfiteater pa presentá Caribbean Queens. No lubidá ku tin e pakete ‘Stay Over’ tambe ku ta inkluí un kamber double den e Deluxe Ocean view room, desayuno, un sena na Nautilus Restaurant òf Xquisit Restaurant i un entrada general pa e konsierto Caribbean Queens, bálido riba e djasabra di konsierto. Karchi general pa Caribbean Queens ta optenibel na Mensings Caminada, Bruna i 24 Uur uit de Muur. Ticket VIP lo wòrdu bende eksklusivamente na frontdesk di e hotèl. Karchinan VIP ta inkluí 2 bòter di bebida, 2 snacks i seating preferensial.
Pa mas informashon tokante benta di karchi, VIP, pakete ‘Stay Over’ òf e konsierto por bishitá e página di Facebook di Renaissance Curaçao Resort. Renaissance Curaçao Resort ta invitá tur fanátiko i amante di bon músika pa forma parti di un anochi inolvidabel!