WILLEMSTAD.- E talentoso artista lokal, Ephrem J a lansa un kansion nobo titulá ‘Tu de que Vas’ na vershon bachata.
Un bachata romántiko ku un stèmpel di éksito i ta primintí di bira otro himno pa e amantenan di e género di bachata meskos ku tabata su último trabounan manera ‘Inseparables’, ‘No hay Imposibles’, ‘Baila Conmigo’, ‘Cuando se acaba el Placer’ ku a sòru pa e kanta outor presentá riba diferente tarima rònt Europa i Latino Amérika. E kansion ta original di Franco de Vita.
Ephrem J, apart dje kansion ku a keda lansa ta den studio di grabashon trahando riba su albùm nobo ku lo keda lansa otro luna, yüni 2018. ‘Tu de que Vas’ ta konta ku areglo di e popular produktor dominicano, Martires de Leon i letra i melodia di e propio Franco de Vita.
Keda pendiente pa lansamentu di e videoclip den luna di yüni 2018.