WILLEMSTAD.- Antayera nos artista internashonal, Ephrem J, a lansa un kansion nobo titulá ‘Un Delito’. E kansion a keda komponé pa Ephrem J mes i Mártires De Leon ta e areglista i produktor. Mártires resientemente a produsí e último kompakto di Romeo Santos ‘Utopia’.
E kansion a keda grabá na República Dominicana i e videoclip a wòrdu grabá na Buenos Aires, Argentina.
E promoshon mundial a kuminsá i próksimamente Ephrem J lo tin presentashon na Mòsku, Rusia; St. Petersburg, Rusia; Den Haag, Ulanda; Madrid, Spaña; Sydney, Oustralia i den luna di mei Ephrem J lo tin un presentashon na Roma, Italia.