MERKA.- Denzel Washington su ‘Equalizer 2’ a logra di rekoudá 35.8 mion dòler e wikènt ku ta tras di lomba na Merka i Canada.
Dos pelíkula kompletamente diferente a kompetí pa e puesto number 1 na takia, e pelíkula di akshon ‘The Equalizer 2’ ku Denzel Washington a superá e ‘musical’ di kansionnan di e grupo ABBA titulá ‘Mamma Mia! Here we go Again’.
Kálkulonan ku a keda hasí ta indiká ku ‘The Equalizer 2’ a rekoudá 35.8 mion dòler, miéntras ku ‘Mamma Mia! Here we go Again’ a keda na di dos lugá ku 34.4 mion dòler.
Den su di dos siman, ‘Hotel Transylvania 3: Summer Vacation’ a keda na di tres lugá ku 23.2 mion dòler; “Ant-Man and the Wasp” a keda na di 4 lugá ku 16.1 mion dòler na entrada den su di tres siman i “Incredibles 2” a keda na di 5 lugá ku 11.5 mion dòler.