WILLEMSTAD.- Ayera tabata fecha di selebrashon di e di 36 aniversario di agrupashon musikal ERA, Ekspresando Ritmo i Ambiente. E músikonan ayera nochi a bishitá Misa di Coromoto pa un Santu Sakrifisio di Misa kaminda pastor a bendishoná e banda. E kantantenan di ERA a pèrkurá pa kanta misa loke a hasi e anochi aun mas impreshonante. Despues di Misa a parti bolo pa tur ku tabata presente na Misa i despues e banda a bai selebrá huntu ku nan famia i invitadonan. Riba foto nos por apresiá algun momentu na Misa di Coromoto.