WILLEMSTAD.- Ayera e agrupashon musikal ERA a kumpli su di 37 aniversario i nan a kuminsá na selebrá esaki den seno familiar, ku amigu i fanátikonan. Nan ta pendiente pa djasabra awor tin un Santo Sakrifisio di Misa na Misa di Coromoto pa gradisí Dios pa e 37 añanan kaminda nan a pèrkurá pa Reino kompletu disfrutá di nan músika. E selebrashon no ta keda te einan, pasó nan ta pendiente pa dia 27 di aprel selebrá nan aniversario ku un fiesta grandi den Landhuis Brievengat. Riba foto nos por apresiá e promé konstelashon di ERA 37 aña pasá. Pabien na e músikonan di ERA i tambe tur e fanátikonan di ERA.