Erwin Bartholomeus Valks

GRADISIMENTU I INVITASHON
"Bendishoná ta esun ku ta biba den Bo kas i por alabá Bo tur ora." Salmo 84: 4
Esposa, yunan, ñetunan, rumannan i demas famianan di e defuntu

Erwin Bartholomeus Valks
Mihó konosí komo Win òf Wincho

Kier gradisí tur famia, amigu i konosínan, bisiñanan ku di un òf otro manera a mustra atenshon na ora di malu, morto i entiero di nan defuntu stimá. Danki spesialmente na personal di CMC afdeling B1 spesialmente zr.Ramos i zr. Hodge. Danki na Dr. Londoño-Ruiz di Medenfis. Un danki grandi tambe na personal di El Consolador, spesialmente na e hostesnan, pa nan tremendo servisio durante entiero. Un danki for di profundo di nos kurason pa mgr. Luis Antonio Secco, pastor Raul Fernandez di Soto, diakono Richard Colastica i tur e otro pastornan i diakono ku a selebrá e santu sakrifisio di misa. Danki na Grupo Pastoral di Famia i otro kolaboradornan di parokia di Soto, Grupo di seú E Diferensia di Kunuku, Grupo di hobennan di Happy Youth in Jesus, Sr. Richard Hanson, Kornan San Antonio i Tatanan Uní, Enkuentro Konyugal Kòrsou. Danki na tur ku a manda krans, flor, mensahenan via facebook, whatsapp, telefòn i tambe pa e atenshonnan personal ku nos a risibí. Boso atenshon i konvivensia tabata un sosten i forsa grandi pa nos. Ademas nos kier hasi invitashon pa 2 santu sakrifisio di misa ku lo tuma lugá djasabra 6 di yanüari pa 6'or di atardi i djadumingu mainta dia 7 di yanüari pa 10'or di mainta na Misa Soto. Despues di misa nos no por risibí bishita na kas.