WILLEMSTAD.- Karnaval 2024 ta na kaminda i Estreno Carnival Group (ECG)ayera nochi a presentá nan tema i trahe den Riffort Village.

Manera kustumber Estreno a presentá un trahe ku no ta solamente luhoso i ‘trendy’, pero tambe ta un trahe ku ta resaltá den Karnaval.

‘DEN E BEMBE’ a komprondé ku e tema di Estreno Carnival Group lo ta ‘Around the world in 47 days’.

ECG ta pendiente pa anunsiá nan ‘line up’ di banda i dj-nan ku lo kompaña e grupo huntu ku artistanan invitá, manera nan a bin ta hasi e último añanan.

Pa mas informashon por bishitá e página di Facebook: Estreno Carnival Group.

Riba potrètnan nos por apresiá algun momentu durante di presentashon di trahe i e ambiente i legria ku e miembronan ta trese durante di presentashon.