WILLEMSTAD.- Ayera nochi Grupo di Karnaval Estreno Mas Pikete a tene nan presentashon di trahe den Riffort Village. Meskos ku aña pasa e interes di públiko tabata grandi i bo por a nota esaki ku hende para te hasta den trapi i ku den tur skina di Riffort Village tabatin hende pará pa wak e presentashon. Un total di 14 trahe a keda presentá i mester indiká ku kontrali na aña pasá e grupo su koló prinsipal tabata blanku, pa 2019 nan lo ta super kolorido. Dreams a pèrkurá pa e animashon durante dje presentashon di trahe. Riba foto algun imágen durante dje presentashon di trahe di ‘Estreno Mas Pikete’.