WILLEMSTAD.- CIFFR ta kontentu di por partisipá na e live streaming di un festival di sine i e estreno mundial di un pelíkula simultáneamente ku diferente otro pais grandi. Estreno di e pelíkula NINA lo bira algu grandioso.
NINA ta un drama sensual tokante un señora den kareda di 30 aña di edat ku ta en buska di un mama pa pari e yu ku e i su kasa tantu ta anhelá. Magda un señora hóben i independiente ta parse e persona indiká pa esaki, pero e situashon ta kambia na momentu ku NINA ta haña sintimentu straño p’e. Un istoria di amor turbulento i diferente.
IFFR live ta un di e eksperensia general di teater di sine mas agradabel, kaminda ta stream pelíkula for di Rotterdam, pa mas ku 40 teater rònt i fo’i Oropa, entre otro pa Kòrsou. Despues di e pelíkula lo tin konekshon ku Rotterdam, kaminda e produktor Olga Chajdas i e aktris Eliza Rycembel lo tei pa kontestá eventual pregunta nan di esnan presente.
For di Kòrsou nos lo por partisipá na e kòmbersashon via Twitter ku hashtag #livecinema. Laga nan sa ku nos di Kòrsou tambe tei i añadí #curacao na bo mensahe.
E presentashon dje ‘live streaming’ lo tuma lugá djadumingu awor pa 2’or di mèrdia na teater ‘The Cinemas’ na Otrobanda. Karchi ta na benta na ‘The Cinemas’.
NINA ta un produkshon Polako i tin ingles komo sup título.