Un dje pioneronan di músika Jazz na Kòrsou

WILLEMSTAD.- Ayera mainta a bira konosí ku konosido dosente di músika, kompositor, areglista i un dje pioneronan pa loke ta trata músika di Jazz na Kòrsou, Etzel Provence, a fayesé.

Mener Provence tabatin un rol importante den edukashon musikal na Kòrsou. Un músiko ku a nifiká hopi pa e desaroyo musikal na Kòrsou. Dosente di músika na Mgr. Zwijssen College. Eks direktor di Sentro Kultural Kòrsou i te ku antayera dunando lès di músika.

Hopi ta e músikonan i kantantenan ku a risibí formashon musikal serka Mener Provence i ayera despues ku a bira konosí ku Etzel a fayesé, mesora bo por a tuma nota di un kantidat di eks studiante, músiko i kantantenan ku a manda nan palabranan di kondolensia pa Bibi Provence i famia.

Di parti di korant EXTRA i ‘DEN E BEMBE’ nos mas sinsero palabranan di kondolensia na famia Provence.

ETZEL - ... Riba foto nos por apresiá Etzel Provence, despues di a kaba di risibí e galardon ‘Grotini’ di Harmonia i Kueru na aña 2013 ...