DRESDE, ALEMANIA (AFP).- Segun e presidente franses Emmanuel Macron, “Europa mester pensa riba su mes defensa i seguridat pa ku e menasa ruso”, segun e mandatario a deklará durante di un bishita na Alemania.
“Nos lo no kambia e geografia ku Rusia, ku awe ta menasá nos seguridat i a ataká Ukrania”, segun e mandatario a deklará dilanti di hóbennan aleman durante di un bishita di estado na ménos ku dos siman di elekshonnan europeo.
E kontinente europeo den último añanan por a konta ku su aliado norteamerikano, ku aktualmente ta e prinsipal suministradó di arma na Ukrania, invadí pa Rusia den febrüari di 2022.
“Nos tin e derechi i te hasta e deber pa bisa nos mes ku nos tin suerte di por konta ku e aliadonan aki. “Pero, ta rasonabel pa kada bes pidi pa nan hasi mas esfuerso”, segun e franses a puntra.
“Europeonan ta deseá un pas duradero, pues, un pas ku e ukranianonan lo a skohe i negoshá”, el a sigui bisa, agregando ku lo ta un “kapitulashon”.
“Nos mester pensa riba nos defensa, komo aliado den seno di Nashonnan Uní, komo miembro di Union Europeo, pero tambe komo miembro di komunidat polítiko europeo”, segun Macron a bisa.
Durante di su bishita, Macron a atvertí kontra e peligernan di ekstremo derecha, ku ta aspirá na alkansá bon resultado den elekshonnan europeo. Na Fransia, e partido di ekstremo derechi Agrupashon Nashonal (RN) ta liderá e intenshonnan di voto pa e elekshonnan, ku lo tuma lugá di 6 pa 9 di yüni.
Na Alemania nan ta konfrontá ku un partido ultraderechista AfD ku ta kohiendo forsa. Enkuestanan ta situá AfD dilanti e tres formashonnan dje koalishon di Olaf Scholz.
