KABUL, AFGANISTAN, AFP.- Buelonan di evakuashon di siudadanonan i estranheronan a reanudá na Afganistan djaweps.
Un avion ku sentenáres di estranhero i afgano na bordo a aterisá na Doha i un buelo ku 158 persona na bordo a sali pa Qatar.
Tabatin vários estranhero inkluyendo di Merka, Alemania, Canada, Hulanda, i Bèlgika riba e di dos buelo.
E personanan evakuá djaweps ta e promé grupo ku por a sali despues ku a finalisá e evakuashonnan masivo i katóliko, kaminda a saka 123.000 persona den dos siman, nèt promé ku tur trupa estranhero a sali for di Afganistan.
E sekretario di estado merikano, Antony Blinken, a bisa ku e reanudashon di buelo ta konforme promesa di e talibannan. Nan a primintí ku tur esnan ku kier sali for di e pais por hasi esaki.