Eveline María Beach-Windster
Aviso di Morto
Salmo 62:1-2
Serka Dios so mi alma ta na pas, ta di djE mi salbashon ta bini.
E so ta mi baranka i salbashon, mi fòrti nunka lo mi no tambaliá!
Nos kerido, fiel kolaborador i ruman den Kristu, Sra.
Eveline María Beach-Windster
a bai nos dilanti pa enkontrá ku nos Salbador.
Agradesido na Dios, pa e bida ku e la hiba
aki na tera i e fe ku e la mantené firmemente
den nos Kreador, nos komo Iglesia New Song ta anunsiá fayesimentu repentino di nos gran ruman.
Unu ku a sa di toka bidanan na maneranan masha simpel, dunando for di su kurason i den silensio, na grandi i chikí sin tene nada atras.
Nos lo sinti su falta, pero sabiendo ku Eveline lo biba den tur eternidat ku nos Señor, ta duna nos kurasonnan pas i trankilidat.
Entiero ta tuma lugá djabièrnè 20 di ougùstùs 2021 entre 9:00'or-10:15'or di mainta na Kapel El Consolador na Brievengat den sirkulo privá, siguí despues pa un rekorido kòrtiku na Skol Immanuel, finalisando na santana di Montaña.
Nos ta deseá su kasá, Winston Beach, yunan, demas famianan, konosínan, kolega- i alumnonan di Skol Immanuel i rumannan di Iglesia New Song hopi forsa. Ku Dios konsolá nos kada un.
Iglesia New Song Kòrsou
Imelda
Kondoleer di nos ruman den Kristu. Ku bon Dios duna boso i famia konsuelo i forsa pa karga ku e perdida . Di parti Imelda Dunker di iglesia New Song Capelle a/d Ijssel
Claudette Kwidama
Famia Beach i Windster kondoleer di e perdida grandi di bisiña Eveline. Señor Dios duna boso forsa pa karga ku e perdida i dolo aki. Nos lo no mire den balkon of pasa bai kas mas, pero lo e ta na kas pa eternidat serka Señor. Ku Eveline su alma sosega na pas. Na nomber di Claudette Kwidama i yunan
Miluska Engelhardt
Deskanso