WILLEMSTAD.- Djabièrnè anochi a tuma lugá e presentashon ofisial di e agrupashon musikal ‘Excellence’.
‘Excellence’ a keda kreá pa duna e hóbennan di Junior All Star Orchestra e oportunidat pa huntu forma un agrupashon musikal ku ta bai forma parti di farándula lokal.
Mayoria di e hóbennan a risibí instrukshon musikal serka maestro Gedion Chandler i durante un periodo a haña lès di teoria di músika serka maestro Toro Colina, dfm.
For di yanüari 2010 te ku resien e hóbennan di ‘Excellence’ a subi tarima na vários okashon importante i a hasi presentashonnan na Aruba, St. Maarten, Boneiru i Valencia, Venezuela.
Esaki a yuda ku e integrantenan di ‘Excellence’ a avansá musikalmente di tal grado ku nan a desaroyá e parti di oido, sentido rítmiko, pero tambe a avansá den lesa muzik. Tur esaki danki na e trabou balioso di nan dosente, Gedion Chandler.

MUSIKONAN
E músikonan ku ta forma parti di ‘Excellence’ ta Roëngelo Bazur:Keyboard; Tahir Burnet: Drùmer i timbal; Q-sean Peney: Keyboard player; Cliften Angela: Guiro/Kampana/ Timbal; Joshua Mauricio: Bongo/ Kampana; Darvino Halman: Kongero; Adiel Sambo: Bas i Nadiënne Martina: Piano.
E front dje banda ta konsistí di 5 kantante: Michael Marchena; Thallysa Jano; Crisandro Margarita; Quincy Cicilia i Rosell François.
Direktor Musikal: Gedion Chandler, Direktor musikal athunto: Darvino Halman i
Lider di banda: Nadienne Martina.

RESERVASHON
Pa presentashonnan di Excellence, por yama: sr. Gianno Curiel: 517-2970, sr. Kòrá Faneyte: 566-5069 òf srta. Nadienne Martina: 515-6777.
Próksimamente ‘Excellence’ lo anunsiá fecha di nan debut ofisial durante un fiesta baliabel den kombinashon ku agrupashonnan musikal lokal.

KARNAVAL
‘Excellence’ lo partisipá na Festival di Tumba i pa marchanan di Karnaval 2020 Excellence tin akuerdo será ku Crazy Diamonds.