WILLEMSTAD.- Gradesidu pa tur e komentarionan positivo i kòmplimènt pa e transmishon ku ayera EXTRA a ofresé na su siguidónan riba facebook, website i riba EXTRA su kanal di YouTube.
Un tim grandi di EXTRA i Q Productions a traha pa huntu presentá un tremendo Inskripshon di Festival di Tumba 2019.
Nos a promové ku nos lo a transmití tambe riba kanalnan 75 i 76 di TDS, pero na último momentu a presentá un situashon tékniko ku a pone ku esaki no a bira posibel, nos diskulpa pa esaki.
For di aki EXTRA ke gradisí su spònsernan ku a hasi posibel e transmishon i ta super satisfecho pa e labor ku nos koleganan di tantu EXTRA komo Q Productions a desplegá ayera.
Pa nos siguidó i esnan ku no a logra di sigui e transmishon, bishita nos página di facebook: extracuracao i bo tin chèns pa bolbe wak e transmishon den 2 parti.
Keda pendiente pa nos siguiente transmishon pa temporada di Karnaval.