WILLEMSTAD.- Bo korant # 1, EXTRA djabièrnè último su sekshon di ‘Extra Digital’ a anunsiá e transmishon via di televishon di ‘Inskripshon di Festival di Tumba 2018’, un proyekto ku den 2 siman di tempu a keda prepará i ku sosten dje tim kompletu di EXTRA a bira un realidat ayera. Ku sosten di Q-Productions pa e parti tékniko, nos spònsernan i e tim di EXTRA nos a logra pa huntu ku nos artista invitá i presentadó, Rubertico ‘Benoni’ Balentien ofresé pueblo di Kòrsou un tremendo transmishon riba 5 plataforma pareu. Danki na gerensia di EXTRA, TDS i Cariflix pa kere den e proyekto i hasi posibel ku e transmishon di EXTRA a keda sigui riba kanal 75 i 76 HD, Cariflix, página di facebook di Extracuracao, wèpsait di EXTRA i e kanal di YouTube di Extracuracao a bira un éksito. Danki na e reakshonnan ku nos a risibí, nos a dal e promé stap!. Riba fotonan algun imágen durante dje produkshon di ‘Inskripshon di Festival di Tumba 2018’.