WILLEMSTAD.- Face Model Organization ta pendiente pa sali pa partisipá ku tres modelo na ‘Summer Sizzle BVI Fashion Week’ ku ta tuma lugá na Tortola, British Virgin Island.
Face Model Organization a kuminsá ku karera internashonal dunando treinen intensivo i bon preparashon na hóbennan ku ta interesá den e mundu di moda profeshonal.
Face Model Organization ta un organisashon ku ta prepará hóbennan den e mundu di modelahe i preparashon pa sertámen di beyesa.
Durante dje último periodo di preparashon algun modelo a keda prepará i selektá pa Summer Sizzle Fashion Week ku lo tuma lugá di 17 di yüli pa 24 di yüli na Tortola, British Virgin Island.
E tim Face Model Organization ku próksimamente lo sali pa ‘Summer Sizzle Fashion Week’ lo bai kompañá pa tres modelo, Shurjeeny Hooi, Chrissainy Pieternella i Cheralline Pantophlet.
E siman di moda na Tortola lo konta ku partisipashon di e fotógrafo internashonal, Nigel Barker, e aktor famoso Taraji P. Henson huntu ku diseñadónan i modelonan profeshonal.
Pa mas informashon por sigui e página di Facebook, Instagram di Face Model Organization òf por bishitá e wèpsait, www.facemodelcuracao.com.