NEW YORK, MERKA.- Facebook i Universal Music Group a firma un akuerdo di vários aña kaminda lo permití usuarionan di Facebook pa kompartí videonan personal ku muzik di e seyo diskográfiko.
E kompanianan no a bisa ainda entrante ki dia e usuarionan por kuminsá na kompartí video ku muzik dje kas diskero riba e plataformanan propiedat di Facebook. Huntu nan a duna di konosé ku pronto nan lo ofresé mas fasilidat musikal.
Facebook a ninga di duna komentario riba su strategia musikal, despues dje komunikado ku a keda emití djaweps último. Universal di su banda no a respondé e preguntanan.
Facebook ta tratando pa su usuarionan hasi mas i kompartí mas video. YouTube, e prinsipal destino di video ‘on line’, ta bende suskripshon di ‘streaming musical’, pero Spotify i Apple Music ta ser konsiderá mas popular.