WILLEMSTAD.- Un siman kargá ku aktividatnan deportivo den kuadro di “Siman Olímpiko” di FDOK a keda klousurá ayera tardi na Sam Buntin Ballpark. Ku un desfile i entrega di sertifikado na vários deportista kendenan a destaká e aña’ki den kompetensianan regional i internashonal, FDOK a sera un siman di hopi aktividat. E klousura a bai kompañá p’e promesa ku e Siman Olímpiko ta algu ku lo bin bèk anualmente, ku e meta pa e krese i bira un siman deportivo realmente grandi durante di fakansi di skol.

Manera a keda tres’é dilanti na okashon di klousura, e siman tabata un éksito i a surgi ideanan nobo kon pa laga e evento sigui krese den próksimo añanan. Despues dje seremonia ofisial ayera tardi den Sam Buntin Ballpark a sigui ku un partido di sòftbòl pa despues bisa “te otro aña ku Dios ke”.