Minister di Kultura a entrega proklamashon

WILLEMSTAD.- Ayera durante dje apertura di Siman di Kultura, Minister di Eseñansa, Siensa, Kultura i Deporte, Sr. van Heydoorn a anunsiá proklamashon di ‘Fecha Nashonal pa rekordá Serapio Pinedo’. 

PROKLAMASHON

E proklamashon ta konsiderá ku dia 26 di sèptèmber ta fecha natalisio di Sr. Serapio Pinedo. Na bida for di edat hóben Sr. Serapio Pinedo a siña e arte di traha kaha di òrgel i a hasi esaki te na su 97 aña di edat. Hopi ta esnan ku a siña e arte serka Sr. Serapio Pinedo. Sr. Serapio Pinedo su deseo ta pa sigui ku e legasia ku el a lag’atras pa mantené e herensia kultural musikal di kaha di orgel bibu i hasi traspaso pa generashonnan ku ta bini. 

Kaha di orgel tin su kustumbernan rondó di dje ku ta un elemento kultural ku mester keda haña atenshon serka nos pueblo i spesialmente nos hóbennan. 

Minister van Heydoorn a dekretá e fecha natalisio di Sr. Serapio Pinedo ku ta 26 di sèptèmber komo ‘Fecha Nashonal pa rekorda Serapio Pinedo’.

E proklamashon a keda entrega na dos yu muhé di Sr. Serapio Pinedo.