WILLEMSTAD.- Ayera nochi a tuma lugá e anochi di informashon di AMAK relashoná ku e tema di derechi di outor. Sr. Juni Sluis, eksperto riba e área di derechi di outor a duna un presentashon.
Den kombersashon ku presidente di AMAK, sr. Manfred ‘Feco’ Gomes el a kuminsá na bisa ku e materia ta keda un kompliká.
‘Komo asosashon bo tin ku keda duna informashon. Bo no por bisa niun miembro pa nan no asosiá. Aworakí e intenshon ta pa tuma kontakto ku sr. Kock na Aruba i pa trata na kombens’é pa e ‘parker’ e kos aki un ratu’.
E pregunta di mas grandi durante di tur diskushon ta a base di kiko anto kon a yega na e montante di 3 mil florin pa luna.
AMAK  ta pendiente pa si ta nesesario organisá mas aktividat informativo relashoná ku derechi di outor i ‘royalties’.