WILLEMSTAD.- Ayera ‘DEN E BEMBE’ a risibí e informashon ku e konosido siudadano Felio Colinet a bai sosegá. Don Felio Hermilio Colinet a nase dia 7 di aprel 1930, 88 aña, den mundu di farándula ta konosí pa su pashon pa kompilá informashon di Karnaval di Kòrsou i tambe Festival di Tumba. Su trabounan di kompilashon a pone ku el a logra pa produsí 2 buki ku a keda publiká, e Ensiklopedia di Karnaval i Kalendario di tumba di Karnaval. Apart dje dos bukinan aki ku ta kontené un kantidat di informashon di tantu Karnaval di Kòrsou i tambe dokumentashon di 42 aña di Festival di Tumba, Don Felio a publiká na 1984 un ‘Guia di Kaya di Kòrsou’. Don Felio Colinet, deskansá na pas!.