WILLEMSTAD.- Djaweps siman pasá e agrupashon musikal ‘Felito Martínez & 6to Sentido’ a lansa un cover di e bachata hit "Me emborracharé", vershon merengue bou di adaptashon i ideanan di su direktor musikal, Felito Martinez. E kansion ta keda interpretá pa e kantante dominikano, Adolfo ‘Nino’ Meyer. Grabashon a tuma lugá serka Jose Meyreles di ‘Eightmultimedia’ i meskla ku mastering a tuma lugá serka Angelo ‘Borrel’ Dopwell di Dopwell Music. Ya e kansion ta zonando na nos radionan lokal i bo por hañ’é tambe riba YouTube. Pabien na Felito i su 6to Sentido.