KRALENDIJK – Konekshon di fèri entre Boneiru i Kòrsou pronto ta bira un echo. Esaki Kapitan Fitzroy Dorant, kende lo ta e operador di fèri ta sigurá BONERIANO. “Nos ta trahando hopi duru tras di kortina. Mi no ke duna un fecha konkreto ainda pero mi por bisa ku pronto e konekshon di fèri ta un realidat”, e ta splika. Ya kasi tur kos ta reglá, e barku tei i praktikamente henter e infrastruktura ta na su lugá. Sí tur kos kana segun plan, Boneiru por konta ku pa fin di yanüari 2026 e konekshon di fèri entre e dos islanan aki lo kristalisá. Resientemente a bira konosí ku e konekshon di fèri proponé entre Aruba i Kòrsou a move un stap mas serka. Ámbos pais a di Boneiru pa Kòrsou i entre e islanan. Miéntras ku e konekshon di fèri entre Kòrsou i Aruba ta bai bira realidat, Boneiru ta keda for di e konekshon akí. Diputado Anthony Weber ta duna un splikashon simpel pa e echo ku Boneiru no ta inkluí den e proyekto aki. “Boneiru ta afó pasombra no a aserká nos pa e proyekto aki”, e ta bisa. No ta un sekreto públiko ku Boneiru ta konfrontando problema pisá ku konektividat. No solamente preis di pasashi ta sumamente haltu. Si nos wak na e momentu aki ku e dianan di fiesta pa fin di aña ta yega serka, por nota atrobe un falta agudo di pasashi pa sali for Aruba i via esakinan pa otro destinashon den region. Por bisa ku kasi no a keda ningun pasashi ku Divi Divi Air, Z Air, òf Winair, pa sali for di Boneiru den e dianan benidero. E promé posibilidat pa sali for di Boneiru ku Divi Divi Air ta 29 di desèmber, ku tambe ta e úniko dia ku ainda tin un par di pasashi disponibel ainda, te ku despues di kambio di aña. Pues e nesesidat ta agudo. Awor Dorant ta garantisá ku e trabounan pa logra esaki ta hopi leu. Banda di esaki diputado Weber tambe ta sigurá ku un konekshon di fèri lo bin. Weber: “Tin plannan pa un fèri entre Boneiru i Kòrsou. Di un empresario lokal.” Mester menshoná ku un konekshon di fèri entre Boneiru i Kòrsou no solamente mester ta téknikamente faktibel, pero tambe finansieramente sostenibel i organisatoriamente bon adaptá na kondishonnan marítimo, proseduranan na frontera i e práktikanan diario di biahero i transporte di karga. Dorant ta splika ku e tin tur e konosementu nesesario mirando ku ya el a hasi un estudio di faktibilidat. Pues awor ta kuestion di f inalisá e último detayenan pa fèri entre Boneiru i Kòrsou ta bira un realidat.