WILLEMSTAD.- E tradishonal ‘Feria di Marisko’ organisá pa emisoranan CUROM na Hòfi Popo Rojer a resultá un biaha mas, un éksito rotundo. Un kantidat grandi di públiko a kohe kaminda pa Barber djadumingu último pa dje forma ei djòin e famia di CUROM den kuadro di nan selebrashon di 85 aniversario. Z86, Mi95 i 88Rockòrsou tabata anfitrion pa e tremendo aktividat aki ku a konta ku presensia di diferente stènt di kuminda i un bar bon surti. Muzik sigur no a hasi falta i tabata na enkargo di e animadónan di radio. Mini Arnell tambe a presentá i a pèrkurá mesora pa e baliadónan subi dansflur i marka paso. Keda pendiente pa e siguiente aktividat di emisoranan CUROM. Riba fotonan nos por apresiá parti dje ambiente den Hòfi Popo Rojer djadumingu último. Potrètnan pa kortesia di David ‘Big D’ Clementina.