WILLEMSTAD.- E dia a yega pa e 15 tumberonan hubenil subi tarima riba Kleine Werf pa interpretá nan tumba. Festival di Tumba Hubenil 2019 ta primintí di trese un tremendo ambiente awe tardi riba Kleine Werf. E 15 tumberonan hubenil lo keda kompaña pa tres agrupashon musikal: Dolce, YMG i Hype. Ensayonan a kana bon i e muchanan ta ansioso pa presentá nan tumba. Pa 4 or di atardi e festival ta kuminsá i ta plania pa kaba 9 or di anochi.