WILLEMSTAD.- Faltando mas o ménos 3 luna ainda pa Festival Presidente algu ku nunka a pasa promé a pasa e biaha aki.The CaribWay a ‘sold out’ tur su asientonan den ménos ku 2 siman ku a lansa e pakete pa e evento mas grandi di den Karibe pa 2017 tambe ku yama Festival Presidente 2017.
Dia 24 di yüli último The CaribWay a lansa un Early Bird ku a dura te ku dia 31 di yüli pa e gran evento aki, pero for di dia 28, tur stul a kaba pa e Early Bird. Seguidamente a bolbe buta mas stul i esakinan tambe a ‘sold out’ den ménos ku 10 dia. Petishonnan ta asina tantu ku The CaribWay a disidí di aserká e kompania di aviashon i a logra haña e último stulnan na un preis kumbiniente pa asina brinda esnan ku a kai riba lista di espera i esnan ku ainda no a reserva, e oportunidat pa bai eksperensia kiko ta Festival Presidente.
E evento magno aki lo tuma lugá dianan 3,4 i 5 di novèmber próksimo na siudat kapital di República Dominicana, Santo Domingo i ta konta ku presentashon di artistanan di taya manera: Farruko, Zion & Lennox, Wissin, El Alfa, El Mayol, Mozart La Para, Maluma, Justin Timberlake, Ricky Martin, Carlos Vives, Juan Luis Guerra, J-Balvin i hopi mas.
Ademas Presidente a informá ku tin 10 nòmber mas pa wòrdu konfirmá di kual sigur 3 Mega Artista ku lo wòrdu anunsiá te na último momento komo e chèri riba e bolo. Ku un batayon di artistanan grandi asin’aki presentando den 3 dia di konsierto, ken lo kier pèrdè e oportunidat aki pa mira tur e artistanan aki huntu?
Si abo no a disidí ainda, hasi lihé i yama 523-9933 òf pa mas fásil manda un e-mail na thecaribway@gmail.com pa pidi tur informashon i reservá mes ora. E bon di esaki ta ku bo por paga poko poko basta bo kaba di paga tur kos pa dia 30 di sèptèmber 2017.
Hasi lihé pasó despues di esaki si lo no bai tin mas pakete disponibel. Laga e ekspertonan den biahe inolvidabel hiba bu Festival Presidente 2017. The CaribWay ta e brinda bu e eksperensia aki.