WILLEMSTAD.- Angelitos ta tene un "Fiesta di Buki" djasabra dia 2 di febrüari di 10 or di mainta pa 1 or di mèrdia na Biblioteka Nashonal.
E dia aki lo tin presentashon públiko di e bukinan "Loke a pasa ku Christine",  di Tante Ruthie.
Muchanan di Angelitos ta kanta i toka diferente instrumènt musikal.
E dia lo ta alabes un "open dag" pa Angelitos i Framily Music & Arts Academy.
Lo tin workshop di diferente instrumènt musikal, tambe di pintamentu i trahamentu di mozaïk.
Lilimar i Tio Ali ta pèrkurá pa nos muchanan por pasa un ratu hopi kontentu.
Mucha nobo por inskribí pa nos diferente lèsnan di kanto i di toka instrumènt musikal serka Angelitos.
E aktividat aki ta un aktividat habrí pa tur mucha i hende grandi. Tur hende por bin mira Angelitos, partisipá na e diferente workshopnan i selebrá presentashon di e bukinan huntu ku Angelitos.  Entrada ta grátis. E aktividat ta tuma lugá den tres sala na Biblioteka. E patio: Kaminda e "Main show" ta tuma lugá; E sala Aquario: Kaminda tin mozaïk, obra di man; E ouditorio: Kaminda ti  diferente workshop i "kijklessen".