WILLEMSTAD.- Speransa, e historia ku Fina DanceArtschool i Simia Dance Company lo presentá den yüni próksimo, ta un historia outéntiko, skibí pa Crisèn Schorea. E historia ‘ki ta hiba nos den e mundu di un artista yu 'i Kòrsou famoso ku ta bolbe bèk su tera pa aportá na desaroyo artístiko. Grandi ta su sorpresa ora e yega hañ’é teatro nashonal kaminda su karera a kuminsá den ruina. Pero no t’e so ta bishitá e ruina akí..... es mas, kiko un artista, i un hóben basketbolista, tin en komun? i...murayanan bieu sa papia ?
Nos ta invitá bo pa bin presensiá un presentashon alegre i dinámiko di baile i arte dramátiko pa henter famia. Dianan 16,17 yüni pa 8’or di anochi, 17 i 18 di yüni pa 4’or di atardi na WTC.  Karchi ta optenibel na Fina DanceArtschool i na Mensing’s Caminada. Pa mas informashon por yama 736-5104 despues di 2’or di mèrdia.